cocoyiuyiu

2009大事回顧

 而家都成1月中. 我既大事回顧仲係進行中…但有心唔怕遲既..只好草草draft 個回顧

2009年都可以話發生左好多大事, 自己成家..親人走左, 搬左去新環境, 朋友又有大事, 自己又多兩個新既身份, 事件好多.好快.好急..但又成晒定局, 好既..係向09年完結前.全部都可以定晒佢..叫做無D咩野牽掛過渡2010 啦

09年, 係我人生大事既一年, 5月8號終於結左婚, 成左家..由08年11月21日到09年5月8日. 足足只有149日, 即係5個月左右就由籌備過渡到結束, 當中真係要好多謝好多朋友幫忙, 有公司同事推介既租衫, 有單腳王介紹既影相, 更有十年朋友陪我一齊向極速既時間下決定埋其他野 雖然我既人生大事, 唔係向d 好貴好grand 既地方攪, 只係向有限既budget 內做到最簡單又唔太似台慶既一日, 但至少實現到我既目標, 就係雙方家長好滿意,攪個大龍鳳都係為左佢地4個姐,  

不過可惜係亞公都係個日晚既十點幾走左, 當晚其實屋企人已經知道, 但佢地覺得反正佢捱到十點幾即係想我好好地過渡我既大事, 就唔想話我知更唔想我唔開心, 當中我感覺到佢地有幾錫我, 之後既日子係間中地down, 但一諗到佢捱到十點幾..即係其實係想我開開心心咁完成結婚..又覺得唔應該再咁.

之後到我家太太有輕度抑鬱 +更年 + 嫁女症候群, 好在仲有我細佬, 開始識去照顧屋企, 而家佢終於好番好多,

當所有野好似穩定晒, 又無喇喇向無心理準備下去左第二個階段

由原先一開始既震撼, 無助, 有諗過唔要, 但又真係無咩理由去到咁, 到最後打算由佢. 睇天意, 如果佢過晒d test 既, 即係天意啦,

見佢過完一個test 又一個test 都係話佢健康正常, 到而家仲有幾個月就出lei, 加上見到K 先生佢好開心, 咁既然身邊人係開心, 佢又會同我一齊去面對, 自己既PLAN 又有幾重要呢, 一路覺得因為我個PLAN 係 結婚之後等K 先生有時間去埋honeymoon, 再等多半年, 到10年時先行去呢個階段會好, 但單腳王提點左我,…計劃總係趕唔上變化

Plan 對於我lei 講從來都唔會跟足架啦, 正如三年前我唔會預見到我會結婚一樣

三年前我預見既2010年,,應該係去左外國讀個短course. 所以只係證明到plan..從來向我身上唔成事, 咁我何需仲為左我個唔存在既plan 而去諗

好似好多野已經定好晒..我只需要去享受同行我既路就已經足夠

路總會有得行既..以為個條最arm 自己, 到頭來原來係行左另一條路,

順住行..我學識,,但我都要學識唔好再諗”如果xxx, 如果xxx”

今年. 朋友發生好多事. 十年朋友大事件啦, 不過好在最好無事

但大家當中學到既除左珍惜, 就係要體諒, 更要學識放低自己

事業, 好在女上司好恐怖, 但其他同事好到真係無人信

打工求福利既姐..受氣係一定, 所以都叫做無咩大事既..

只係覺得今年好快過, 我人生又好快過咁.

而家只有望2010年我會順順利利, 更展望十年朋友既大婚日..還我似一個人既心願